ອັກສອນລາວ ໄດ້ມາຈາກອັກສອນພຣະຍາແຖນ
ຂຽນໂດຍ: ຊຽງນ້ອຍ
ເຫຼົ່າໂດຍ: ພໍ່ຈາຣຍ໌ຄຣູໝັ້ນ ໂຊຕິທອນ.
ອະຕິເຕ ກາເລ, ໃນອະດີດຕະການຜ່ານມາຕັ້ງແຕ່ກ່ອນປູ່ສັງກະສາຍ່າສັງກະສີພຸ້ນ, ໂລກມະນຸດເຮົາຖືກນ້ຳຖ້ວມໃຫຍ່ຄັ້ງໜຶ່ງ ເຮັດໃຫ້ມະນຸດຕາຍຈົນເກືອບ ໝົດ, ແຕ່ມີເຖົ້າຄົນໜຶ່ງໄດ້ຫຼາຍຊາຍ, ຍິງ, ເຂົ້າຂອງ ແລະສັດສາວາສິ່ງຂຶ້ນໃສ່ເຮືອ ຈຶ່ງເຮັດໃຫ້ເຮືອນັ້ນຂຶ້ນໄປຮອດເມືອງແຖນ ແລ້ວພະຍາແຖນຜູ້ເປັນໃຫຍ່ກວ່າໂລກໃນສະໄໝນັ້ນ ໄດ້ສັ່ງໃຫ້ເຖົ້າຄົນນັ້ນ ໄປຢູ່ໜອງແຫ່ງໜຶ່ງ; ເມື່ອນ້ຳລົດແລ້ວຈຶ່ງສັ່ງໃຫ້ເຖົ້າຄົນນັ້ນມາສ້າງເມືອງລຸ່ມ, ແລ້ວແຖນກໍສ້າງມະນຸດ ແລະສັບພະສິ່ງຂຶ້ນມາແທນ, ຫຼັງຈາກນັ້ນມາມະນຸດໄດ້ສົມສູ່ຢູ່ກິນນຳກັນ ຈົນອອກລູກອອກຫຼານ ແຜ່ໄປຫຼວງຫຼາຍ ເຮັດໃຫ້ມະນຸດເກີດຄວາມສັບສົນວຸ້ນວາຍ, ຈຶ່ງຮອດ ເຖິງພຣະຍາແຖນ, ພຣະຍາແຖນເຫັນເປັນເຊັ່ນນັ້ນ ຈຶ່ງໄດ້ສົ່ງຂຸນບູຣົມຣາຊາທິຣາດມາປົກຄອງເມືອງລຸ່ມ, ຕັ້ງກົດເກນຕ່າງໆ ໃຫ້ມະນຸດໄດ້ປະພຶດປະຕິບັດກັນ, ຫຼັງຈາກນັ້ນເປັນຕົ້ນມາ ມະນຸດຈຶ່ງຢູ່ດ້ວຍຄວາມບໍ່ບຽດບຽນກັນ, ເຮັດໃຫ້ນານ້ອຍອ້ອຍໝູ່ຢູ່ເຢັນເປັນສຸກຕລອດມາ.
ເມື່ອບ້ານເມືອງມີກົດເກນຂຶ້ນມາແລ້ວ ບ້ານເມືອງກໍຢູ່ເຢັນເປັນສຸກ ຜູ້ຄົນກໍຫຼວງ ຫຼາຍຂຶ້ນ, ເຖິງວ່າຄົນເລົ່ານັ້ນຈະບໍ່ຄ່ອຍຕໍ່ສູ້ບຽດບຽນກັນກໍຕາມ ແຕ່ພຣະຍາແຖນເຫັນວ່າ ທີ່ບ້ານແຫ່ງນັ້ນ ມີຄົນຢູ່ກັນ 3 ພວກ, ພວກໜຶ່ງຜິວເຫຼືອງ, ພວກໜຶ່ງຜິວຂາວ, ອີກພວກໜຶ່ງຜິວດຳ, ແລະມີຊື່ພວກແຕກຕ່າງກັນດັ່ງນີ້ຄື: ພວກໜຶ່ງຊື່ພວກຕົນວ່າເຈັກ, ອີກພວກໜຶ່ງຊື່ພວກລາວ ແລະອີມພວກໜຶ່ງຊື່ວ່າພວກກຼອມ(ຂອມ), ທັງ 3 ພວກນີ້ຕ່າງກໍຢູ່ບ້ານດຽວກັນ, ພວກເຈັກແມ່ນອາໄສຢູ່ຫົວບ້ານ, ພວກລາວ ອາໄສຢູ່ກາງໝູ່ບ້ານ ແລະພວກກຼອມອາໄສຢູ່ທ້າຍບ້ານ.
ເມື່ອເປັນເຊັ່ນນັ້ນ, ພະຍາແຖນເລັງເຫັນວ່າ ໃນການອະນາຄົດຜ່ານໄປ ຄົນ 3 ພວກນີ້ ລ້ວນແຕ່ເປັນພີ່ນ້ອງກັນ ແຕ່ເມື່ອຜູ້ຄົນຂອງຕົນເພີ່ມຂຶ້ນຫຼວງຫຼາຍໄປແລ້ວຈະຕ້ອງແຍກຍ້າຍກັນໄປຢູ່ຕ່າງບ້ານ, ຕ່າງຖິນກໍຈະເຮັດໃຫ້ຄົນພວກນີຫຼົງລືມເຜົ່າພັນ ແລະພວກພ້ອງກັນ, ເມື່ອເປັນເຊັ່ນນັ້ນ ພຣະຍາແຖນຫຼວງ ຜູ້ເປັນໃຫຍ່ແກ່ແຖນທັງຫຼາຍ ໄດ້ສັ່ງໃຫ້ແຖນແຕ່ງ, ຜູ້ເປັນແຖນທີ່ມີໜ້າທີ່ນິຣະມິດສິ່ງຕ່າງໆໃຫ້ແກ່ມະນຸດ ລົງມາຍັງເມືອງມະນຸດ ແລ້ວໃຫ້ສ້າງອັກສອນຊະນິດໜຶ່ງ ເພື່ອຈະໃຫ້ມະນຸດໄດ້ບັນທຶກເຣື່ອງຣາວຂອງຊາດຕົນໄວ້ ເພື່ອໃຫ້ມະນຸດໄດ້ສຶກ ສາເຣື່ອງຣາວຂອງຕົນ.
ເມື່ອແຖນແຕ່ງໄດ້ຮັບໂອງການຂອງພຣະຍາແຖນຫຼວງແລ້ວ ກໍໄດ້ລົງມາຍັງເມືອງມະນຸດແລ້ວ ກໍໄດ້ໄປຍັງສານພຣະພູມປະຈຳໝູ່ບ້ານອັນນັ້ນ, ເມື່ອໄປຍັງ ສານພຣະພູມແລ້ວ ກໍແຈ້ງຂ່າວອັນພຣະຍາແຖນສັ່ງໃຫ້ຕົນມາກະທຳ ເພື່ອຈະປະທານອັກສອນໃຫ້ແກ່ມະນຸດ ເພື່ອຈະໄດ້ບັນທຶກເຣື່ອງຣາວຂອງຕົນໄວ້ໃຫ້ລູກຫຼານໄດ້ສຶກສາສືບທອດ.
ເມື່ອພຣະພູມໄດ້ຟັງການຣາຍງານຕົວຂອງແຖນແຕ່ງແລ້ວ ກໍໄດ້ຕ້ອງຮັບແຖນແຕ່ງເປັນຢ່າງດີ, ຫຼັງຈາກນັ້ນ ແຖນແຕ່ງກໍໄດ້ນິຣະມິດອັກສອນໄວ້ໃນພະລານ ເດີ່ນກາງບ້ານນັ້ນໝົດທຸກຕົວ ແລ້ວກໍສັ່ງໃຫ້ພຣະພູມໄປບອກກ່າວ ໂດຍການນິຣະມິດຄວາມຝັນໃຫ້ຫົວນ້າກຸ່ມຂອງຄົນທັງສາມພວກໃຫ້ຮູ້ວ່າ “ມື້ອື່ນເຊົ້ານີ້ ເນື່ອງຈາກວ່າພຣະຍາແຖນຫຼວງ ໄດ້ມີພຣະໂອງການໃຫ້ແຖນແຕ່ງໄດ້ແຕ່ອັກ ສອນໃຫ້ມະນຸດໄດ້ນຳເອົາໄປບັນທຶກເຣື່ອງຣາວຂອງຕົນໄວ້, ດ້ວຍເຫດນັ້ນ ຈຶ່ງໃຫ້ ຫົວໜ້າເຜົ່າໄປຍັງຫໍພຣະພູມຫົວບ້ານນັ້ນ ຫາກເຫັນອັກສອນແລ້ວໃຫນນຳເອົາໄປໃຊ້".
ທີ່ຫົວບ້ານນັ້ນ ເປັນຫໍພຣະພູມປະຈຳໝູບ້ານ ເຊິ່ງຄົນທັງສາມພວກໄດ້ມາທຳ ກິດຈະກັມ ແລະມ່ວນຊື່ນລື້ນເລີງກັນປະຈຳເດືອນ, ທັງໄດ້ມາລ້ຽງພຣະພູມ ມາຂໍ ພອນ ຫຼືຕິດຕໍ່ສື່ສານກັບພຣະຍາແຖນຢູ່ຟາກຟ້າ.
ໃນຄືນນັ້ນ, ຫົວໜ້າຂອງຄົນທັງສາມພວກ ໄດ້ຮັບຮູ້ນິມິດຄວາມຝັນອັນນັ້ນ ກໍນອນຫຼັບໄປຈົນມື້ອື່ນເຊົ້າ, ໃນຄ່ຳຄືນນັ້ນເອງ ຝົນຕົກແຮງຮ່າໃຫຍ່ ຈຶ່ງເຮັດໃຫ້ຄົນ ພວກນັ້ນນອນຫຼັບຝັນດີເປັນພິເສດ.
ມື້ໃໝ່ມາ, ພໍຮຸ່ງອະຣຸນ ຫົວໜ້າກຸ່ມຄົນລາວໄດ້ຕື່ນຂຶ້ນມາແຕ່ແສງທອງກຳລັງຮູ່ງ ກໍໄດ້ໄປຍັງເດີ່ນຫົວບ້ານ ພໍໄປເຖິງຫົວບ້ານກໍໄດ້ເຫັນອັກສອນ ອັນພຣະຍາແຖນ ແລະພຣະພູມມານິຣະມິດໃຫ້ຮູ້ເມື່ອຄືນນີ້, ຈຶ່ງໄດ້ກ່າວເອົາອັກສອນນັ້ນກັບມາຍັງ ເຮືອນ ແຕ່ວ່າອັກສອນທີ່ຫົວໜ້າເຜົ່າລາວເຫັນນັ້ນມີສອງແບບ ຈຶ່ງບໍ່ເຂົ້າໃຈວ່າ ອັກສອນທັງສອງແບບນັ້ນອັນໃດເປັນອັກສອນຂອງພຣະບາແຖນແທ້, ທັງເປັນຮູບອັກສອນຢ່າງຈະແຈ້ງ ແຕ່ວ່າຕອນທ້າຍໆຂອງໝວດອັກສອນ ພັດເປັນຮອຍ ຂີ້ກະເດືອນໄຕ່ ເມື່ອເອົາມາຮອດເຮືອນແລ້ວຫົວນ້າເຜົ່າລາວ ກໍໄດ້ແປງເອົາອັກ ສອນຊະນິດທີ່ມີຕົນຕັວຈະແຈ້ງບັນທຶກເປັນອີກແບບໜຶ່ງ ຣຽກວ່າອັກສອນລາວ, ສ່ວນທີ່ເປັນຮອຍຂີ້ກະເດືອນນັ້ນ ກໍແປງເປັນອີກແບບໜຶ່ງ ກາານຕໍ່ມາເມື່ອມີພຸດທະສາສນາ ຄົນທັງຫຼາຍໃຊ້ຂຽນພຣະທັມມະວິໄນ ຄົນທັງຫຼາຍຈຶ່ງຮຽກວ່າອັກສອນທັມ, ສ່ວນທີ່ເປັນຕົວຕົນຈະແຈ້ງນັ້ນ ກໍບັນທຶກພາສາລາວ ຄົນທັງຫຼາຍ ຈຶ່ງຮຽກວ່າອັກສອນລາວ. ຍ້ອນວ່າອັນສອນທັງສອງຢ່າງນີ້ ເຄິ່ງໜຶ່ງຈະແຈ້ງ ເຄິ່ງໜຶ່ງຖືກຂີ້ກະເດືອນໄຕ່ທັບແລ້ວ ຈຶ່ງເຮັດໃຫ້ອັກສອນທັງສອງນີ້ ບໍ່ຄົບ ມີພຽງແຕ່ຊາວ 27 ຕົວ, ການຕໍ່ເມື່ອຄົນຫຼາຍຂຶ້ນ ພາສາກໍເກີດຂຶ້ນມາເລື້ອຍເຮັດໃຫ້ຄວາມເວົ້າຫຼາຍຂຶ້ນມາ ຕໍ່ມາຈຶ່ງໄດ້ແຕ່ງອັກສອນທັງສອງນີ້ຈົນຄົບ, ເມື່ອໄດ້ອັກ ສອນແລ້ວ ຫົວໜ້າກວນບ້ານກໍໄດ້ເອົາອັກສອນທັງສອງນັ້ນ ບັນທຶກໄວ້ແຜ່ນໜັງ ຄົນທັງຫຼາຍຈຶ່ງ ປ່ຽນຊື່ຄຳວ່າອັກສອນນັ້ນ ມາເປັນໜັງສື ໃນການຕໍ່ມາ, ເຮົາຈະເຫັນວ່າອັກສອນລາວເປັນຕົວເປັນຂາ ເວລາຂຽນຄວາມເວົ້າແລ້ວ ອັກສອນ ແລະຄຳເວົ້າມັກຈະຖືກຕ້ອງກັນ ເຊັ່ນ: ກິນ, ການ, ກືນ, ສອງ, ສາມ, ສີ່ ແລະອື່ນໆ, ສ່ວນອັກສອນທັມນັ້ນ ຈະເຫັນເປັນຕົວມົນໆ ເພາະວ່າໄດ້ຈາກຮອຍຂີ້ກະເດືອນນັ້ນເອງ.
ໃນມື້ດຽວກັນນັ້ນ, ເຜົ່າກຼອມທີ່ຕັ້ງບ້ານເຮືອນຢູ່ທ້າຍບ້ານ ກໍຮູ້ສຶກເຖິງຄວາມຝັນ ທີ່ພຣະຍາແຖນ ແລະພຣະພູມມາບອກໃຫ້ໄປເອົາອັກສອນ, ຈຶ່ງຮີບໄປຍັງຫົວບ້ານ ບ່ອນສານພຣະພູມ ແຕ່ວ່າໄປເຖິງສວຍແນ່ແລ້ວ ຂິ້ກະເດືອນໄຕ່ລືບໜັງສືຈົນໝົດແລ້ວ ຈຶ່ງເຫັນແຕ່ຮອຍຂີ້ກະເດືອນ ເມື່ອເຫັນເປັນເຊັ່ນນັ້ນ ກໍນຶກວ່າຮອຍຂີ້ກະເດືອນນັ້ນເປັນໜັງສື ກໍເອົາເອົາຮອຍຂີ້ກະເດືອນນັ້ນ ມາແປງເປັນອັກສອນ ຈົນຄົບ 44 ໂຕ, ແຕ່ຂຽນເປັນຮອຍຄ້າຍຮອຍຂີ້ກະເດືອນ ຄົນທັງຫຼາຍຈຶ່ງຮຽກວ່າ ອັກສອນກຼອມຫວັດ(ອັກສອນຂອມຫວັດ) ເມື່ອໄດ້ໄປແລ້ວພວກກຼອມກໍໄດ້ເອົາໄປຂຽນໄວ້ໜັງ ຄົນກຼອມ(ຂອມ ຫຼືຂະເມໝນ) ກໍຮຽກວ່າໜັງສືເຊັ່ນກັນ, ກ້ວຍເຫດນັ້ນ ອັນສອນ ຫຼືໜັງສືຂອມຈຶ່ງຕົວມົນໆເໝືອນກັນກັບຮອຍຂີ້ກະເດືອນ.
ສ່ວນພວກເຈັກ, ອາໄສຢູ່ຫົວບ້ານນັ້ນເອງ ຕື່ນຂຶ້ນມາແຕ່ເຊົ້າ ແຕ່ວ່າເຮັດວຽກ ເຮັດງານົຈນລືມ, ກວ່າຈະຮູ້ເມື່ອຄີງ ເຖິງນິມິດທີ່ພະຍາແຖນ ແລະພຣະພູມໄປບອກວ່າໃຫ້ມາເອົາໜັງສືໄປໃຊ້ ກໍຈົນກວ່າໄກ່ໂຕນຄອນແລ້ວ, ເມື່ອໄປຮອດເດີນໂພນຫົວບ້ານກໍເຫັນພຽງແຕ່ຮອຍຕີນໄກ່ ຈຶງນຶກໃນໃຈວ່າ ຄືຊິແມ່ນນີ້ແລ້ວເປັນອັກສອນທີ່ແຖນສັ່ງໃຫ້ມາເອົາ ຈຶ່ງກ່າຍເອົາຮອຍຕີນໄກ່ນັ້ນໄດ້ໄວ້ ທຳອີດໄດ້ກ່າຍ ໄວ້ໄມ້ຄານກ່ອນ, ແຕ່ຕໍ່ມາເນື່ອງຈາກວ່າບ້ານຂອງຊາວຈີນນັ້ນມີຕົ້ນໃຜ່ຫຼາຍ ຈຶ່ງຂຽນໜັງສືໜັງນັ້ນໄວ່ກະບັ້ງໄມ້ໄຜ່ ເຮົາຈຶ່ງເຫັນວ່າ ຕົວໜັງສືຈີນນອກຈາກເປັນຕົວຄືກັນຄືກັບຮອຍໄກ່ເຂັ່ຍແລ້ວ ຍັງຂຽນລົງໄປທາງລຸ່ມເໝືອນໄກ່ເຂັ່ຍ ແຕ່ເນື່ອງຈາກການຂຽນໄມ້ໃຜ່ຕ້ອງຂຽນຕາມລາວຍາວຂອງໄມ້ໃຜ່ນັ້ນເອງ.
ໂຜດຕິດຕາມຕອນຕໍ່ໄປ(ບົດພິເສດ ແລະບົດວິເຄາະນິທານເຣື່ອງນີ້)
ຂຽນໂດຍ: ຊຽງນ້ອຍ
ເຫຼົ່າໂດຍ: ພໍ່ຈາຣຍ໌ຄຣູໝັ້ນ ໂຊຕິທອນ.
ອະຕິເຕ ກາເລ, ໃນອະດີດຕະການຜ່ານມາຕັ້ງແຕ່ກ່ອນປູ່ສັງກະສາຍ່າສັງກະສີພຸ້ນ, ໂລກມະນຸດເຮົາຖືກນ້ຳຖ້ວມໃຫຍ່ຄັ້ງໜຶ່ງ ເຮັດໃຫ້ມະນຸດຕາຍຈົນເກືອບ ໝົດ, ແຕ່ມີເຖົ້າຄົນໜຶ່ງໄດ້ຫຼາຍຊາຍ, ຍິງ, ເຂົ້າຂອງ ແລະສັດສາວາສິ່ງຂຶ້ນໃສ່ເຮືອ ຈຶ່ງເຮັດໃຫ້ເຮືອນັ້ນຂຶ້ນໄປຮອດເມືອງແຖນ ແລ້ວພະຍາແຖນຜູ້ເປັນໃຫຍ່ກວ່າໂລກໃນສະໄໝນັ້ນ ໄດ້ສັ່ງໃຫ້ເຖົ້າຄົນນັ້ນ ໄປຢູ່ໜອງແຫ່ງໜຶ່ງ; ເມື່ອນ້ຳລົດແລ້ວຈຶ່ງສັ່ງໃຫ້ເຖົ້າຄົນນັ້ນມາສ້າງເມືອງລຸ່ມ, ແລ້ວແຖນກໍສ້າງມະນຸດ ແລະສັບພະສິ່ງຂຶ້ນມາແທນ, ຫຼັງຈາກນັ້ນມາມະນຸດໄດ້ສົມສູ່ຢູ່ກິນນຳກັນ ຈົນອອກລູກອອກຫຼານ ແຜ່ໄປຫຼວງຫຼາຍ ເຮັດໃຫ້ມະນຸດເກີດຄວາມສັບສົນວຸ້ນວາຍ, ຈຶ່ງຮອດ ເຖິງພຣະຍາແຖນ, ພຣະຍາແຖນເຫັນເປັນເຊັ່ນນັ້ນ ຈຶ່ງໄດ້ສົ່ງຂຸນບູຣົມຣາຊາທິຣາດມາປົກຄອງເມືອງລຸ່ມ, ຕັ້ງກົດເກນຕ່າງໆ ໃຫ້ມະນຸດໄດ້ປະພຶດປະຕິບັດກັນ, ຫຼັງຈາກນັ້ນເປັນຕົ້ນມາ ມະນຸດຈຶ່ງຢູ່ດ້ວຍຄວາມບໍ່ບຽດບຽນກັນ, ເຮັດໃຫ້ນານ້ອຍອ້ອຍໝູ່ຢູ່ເຢັນເປັນສຸກຕລອດມາ.
ເມື່ອບ້ານເມືອງມີກົດເກນຂຶ້ນມາແລ້ວ ບ້ານເມືອງກໍຢູ່ເຢັນເປັນສຸກ ຜູ້ຄົນກໍຫຼວງ ຫຼາຍຂຶ້ນ, ເຖິງວ່າຄົນເລົ່ານັ້ນຈະບໍ່ຄ່ອຍຕໍ່ສູ້ບຽດບຽນກັນກໍຕາມ ແຕ່ພຣະຍາແຖນເຫັນວ່າ ທີ່ບ້ານແຫ່ງນັ້ນ ມີຄົນຢູ່ກັນ 3 ພວກ, ພວກໜຶ່ງຜິວເຫຼືອງ, ພວກໜຶ່ງຜິວຂາວ, ອີກພວກໜຶ່ງຜິວດຳ, ແລະມີຊື່ພວກແຕກຕ່າງກັນດັ່ງນີ້ຄື: ພວກໜຶ່ງຊື່ພວກຕົນວ່າເຈັກ, ອີກພວກໜຶ່ງຊື່ພວກລາວ ແລະອີມພວກໜຶ່ງຊື່ວ່າພວກກຼອມ(ຂອມ), ທັງ 3 ພວກນີ້ຕ່າງກໍຢູ່ບ້ານດຽວກັນ, ພວກເຈັກແມ່ນອາໄສຢູ່ຫົວບ້ານ, ພວກລາວ ອາໄສຢູ່ກາງໝູ່ບ້ານ ແລະພວກກຼອມອາໄສຢູ່ທ້າຍບ້ານ.
ເມື່ອເປັນເຊັ່ນນັ້ນ, ພະຍາແຖນເລັງເຫັນວ່າ ໃນການອະນາຄົດຜ່ານໄປ ຄົນ 3 ພວກນີ້ ລ້ວນແຕ່ເປັນພີ່ນ້ອງກັນ ແຕ່ເມື່ອຜູ້ຄົນຂອງຕົນເພີ່ມຂຶ້ນຫຼວງຫຼາຍໄປແລ້ວຈະຕ້ອງແຍກຍ້າຍກັນໄປຢູ່ຕ່າງບ້ານ, ຕ່າງຖິນກໍຈະເຮັດໃຫ້ຄົນພວກນີຫຼົງລືມເຜົ່າພັນ ແລະພວກພ້ອງກັນ, ເມື່ອເປັນເຊັ່ນນັ້ນ ພຣະຍາແຖນຫຼວງ ຜູ້ເປັນໃຫຍ່ແກ່ແຖນທັງຫຼາຍ ໄດ້ສັ່ງໃຫ້ແຖນແຕ່ງ, ຜູ້ເປັນແຖນທີ່ມີໜ້າທີ່ນິຣະມິດສິ່ງຕ່າງໆໃຫ້ແກ່ມະນຸດ ລົງມາຍັງເມືອງມະນຸດ ແລ້ວໃຫ້ສ້າງອັກສອນຊະນິດໜຶ່ງ ເພື່ອຈະໃຫ້ມະນຸດໄດ້ບັນທຶກເຣື່ອງຣາວຂອງຊາດຕົນໄວ້ ເພື່ອໃຫ້ມະນຸດໄດ້ສຶກ ສາເຣື່ອງຣາວຂອງຕົນ.
ເມື່ອແຖນແຕ່ງໄດ້ຮັບໂອງການຂອງພຣະຍາແຖນຫຼວງແລ້ວ ກໍໄດ້ລົງມາຍັງເມືອງມະນຸດແລ້ວ ກໍໄດ້ໄປຍັງສານພຣະພູມປະຈຳໝູ່ບ້ານອັນນັ້ນ, ເມື່ອໄປຍັງ ສານພຣະພູມແລ້ວ ກໍແຈ້ງຂ່າວອັນພຣະຍາແຖນສັ່ງໃຫ້ຕົນມາກະທຳ ເພື່ອຈະປະທານອັກສອນໃຫ້ແກ່ມະນຸດ ເພື່ອຈະໄດ້ບັນທຶກເຣື່ອງຣາວຂອງຕົນໄວ້ໃຫ້ລູກຫຼານໄດ້ສຶກສາສືບທອດ.
ເມື່ອພຣະພູມໄດ້ຟັງການຣາຍງານຕົວຂອງແຖນແຕ່ງແລ້ວ ກໍໄດ້ຕ້ອງຮັບແຖນແຕ່ງເປັນຢ່າງດີ, ຫຼັງຈາກນັ້ນ ແຖນແຕ່ງກໍໄດ້ນິຣະມິດອັກສອນໄວ້ໃນພະລານ ເດີ່ນກາງບ້ານນັ້ນໝົດທຸກຕົວ ແລ້ວກໍສັ່ງໃຫ້ພຣະພູມໄປບອກກ່າວ ໂດຍການນິຣະມິດຄວາມຝັນໃຫ້ຫົວນ້າກຸ່ມຂອງຄົນທັງສາມພວກໃຫ້ຮູ້ວ່າ “ມື້ອື່ນເຊົ້ານີ້ ເນື່ອງຈາກວ່າພຣະຍາແຖນຫຼວງ ໄດ້ມີພຣະໂອງການໃຫ້ແຖນແຕ່ງໄດ້ແຕ່ອັກ ສອນໃຫ້ມະນຸດໄດ້ນຳເອົາໄປບັນທຶກເຣື່ອງຣາວຂອງຕົນໄວ້, ດ້ວຍເຫດນັ້ນ ຈຶ່ງໃຫ້ ຫົວໜ້າເຜົ່າໄປຍັງຫໍພຣະພູມຫົວບ້ານນັ້ນ ຫາກເຫັນອັກສອນແລ້ວໃຫນນຳເອົາໄປໃຊ້".
ທີ່ຫົວບ້ານນັ້ນ ເປັນຫໍພຣະພູມປະຈຳໝູບ້ານ ເຊິ່ງຄົນທັງສາມພວກໄດ້ມາທຳ ກິດຈະກັມ ແລະມ່ວນຊື່ນລື້ນເລີງກັນປະຈຳເດືອນ, ທັງໄດ້ມາລ້ຽງພຣະພູມ ມາຂໍ ພອນ ຫຼືຕິດຕໍ່ສື່ສານກັບພຣະຍາແຖນຢູ່ຟາກຟ້າ.
ໃນຄືນນັ້ນ, ຫົວໜ້າຂອງຄົນທັງສາມພວກ ໄດ້ຮັບຮູ້ນິມິດຄວາມຝັນອັນນັ້ນ ກໍນອນຫຼັບໄປຈົນມື້ອື່ນເຊົ້າ, ໃນຄ່ຳຄືນນັ້ນເອງ ຝົນຕົກແຮງຮ່າໃຫຍ່ ຈຶ່ງເຮັດໃຫ້ຄົນ ພວກນັ້ນນອນຫຼັບຝັນດີເປັນພິເສດ.
ມື້ໃໝ່ມາ, ພໍຮຸ່ງອະຣຸນ ຫົວໜ້າກຸ່ມຄົນລາວໄດ້ຕື່ນຂຶ້ນມາແຕ່ແສງທອງກຳລັງຮູ່ງ ກໍໄດ້ໄປຍັງເດີ່ນຫົວບ້ານ ພໍໄປເຖິງຫົວບ້ານກໍໄດ້ເຫັນອັກສອນ ອັນພຣະຍາແຖນ ແລະພຣະພູມມານິຣະມິດໃຫ້ຮູ້ເມື່ອຄືນນີ້, ຈຶ່ງໄດ້ກ່າວເອົາອັກສອນນັ້ນກັບມາຍັງ ເຮືອນ ແຕ່ວ່າອັກສອນທີ່ຫົວໜ້າເຜົ່າລາວເຫັນນັ້ນມີສອງແບບ ຈຶ່ງບໍ່ເຂົ້າໃຈວ່າ ອັກສອນທັງສອງແບບນັ້ນອັນໃດເປັນອັກສອນຂອງພຣະບາແຖນແທ້, ທັງເປັນຮູບອັກສອນຢ່າງຈະແຈ້ງ ແຕ່ວ່າຕອນທ້າຍໆຂອງໝວດອັກສອນ ພັດເປັນຮອຍ ຂີ້ກະເດືອນໄຕ່ ເມື່ອເອົາມາຮອດເຮືອນແລ້ວຫົວນ້າເຜົ່າລາວ ກໍໄດ້ແປງເອົາອັກ ສອນຊະນິດທີ່ມີຕົນຕັວຈະແຈ້ງບັນທຶກເປັນອີກແບບໜຶ່ງ ຣຽກວ່າອັກສອນລາວ, ສ່ວນທີ່ເປັນຮອຍຂີ້ກະເດືອນນັ້ນ ກໍແປງເປັນອີກແບບໜຶ່ງ ກາານຕໍ່ມາເມື່ອມີພຸດທະສາສນາ ຄົນທັງຫຼາຍໃຊ້ຂຽນພຣະທັມມະວິໄນ ຄົນທັງຫຼາຍຈຶ່ງຮຽກວ່າອັກສອນທັມ, ສ່ວນທີ່ເປັນຕົວຕົນຈະແຈ້ງນັ້ນ ກໍບັນທຶກພາສາລາວ ຄົນທັງຫຼາຍ ຈຶ່ງຮຽກວ່າອັກສອນລາວ. ຍ້ອນວ່າອັນສອນທັງສອງຢ່າງນີ້ ເຄິ່ງໜຶ່ງຈະແຈ້ງ ເຄິ່ງໜຶ່ງຖືກຂີ້ກະເດືອນໄຕ່ທັບແລ້ວ ຈຶ່ງເຮັດໃຫ້ອັກສອນທັງສອງນີ້ ບໍ່ຄົບ ມີພຽງແຕ່ຊາວ 27 ຕົວ, ການຕໍ່ເມື່ອຄົນຫຼາຍຂຶ້ນ ພາສາກໍເກີດຂຶ້ນມາເລື້ອຍເຮັດໃຫ້ຄວາມເວົ້າຫຼາຍຂຶ້ນມາ ຕໍ່ມາຈຶ່ງໄດ້ແຕ່ງອັກສອນທັງສອງນີ້ຈົນຄົບ, ເມື່ອໄດ້ອັກ ສອນແລ້ວ ຫົວໜ້າກວນບ້ານກໍໄດ້ເອົາອັກສອນທັງສອງນັ້ນ ບັນທຶກໄວ້ແຜ່ນໜັງ ຄົນທັງຫຼາຍຈຶ່ງ ປ່ຽນຊື່ຄຳວ່າອັກສອນນັ້ນ ມາເປັນໜັງສື ໃນການຕໍ່ມາ, ເຮົາຈະເຫັນວ່າອັກສອນລາວເປັນຕົວເປັນຂາ ເວລາຂຽນຄວາມເວົ້າແລ້ວ ອັກສອນ ແລະຄຳເວົ້າມັກຈະຖືກຕ້ອງກັນ ເຊັ່ນ: ກິນ, ການ, ກືນ, ສອງ, ສາມ, ສີ່ ແລະອື່ນໆ, ສ່ວນອັກສອນທັມນັ້ນ ຈະເຫັນເປັນຕົວມົນໆ ເພາະວ່າໄດ້ຈາກຮອຍຂີ້ກະເດືອນນັ້ນເອງ.
ໃນມື້ດຽວກັນນັ້ນ, ເຜົ່າກຼອມທີ່ຕັ້ງບ້ານເຮືອນຢູ່ທ້າຍບ້ານ ກໍຮູ້ສຶກເຖິງຄວາມຝັນ ທີ່ພຣະຍາແຖນ ແລະພຣະພູມມາບອກໃຫ້ໄປເອົາອັກສອນ, ຈຶ່ງຮີບໄປຍັງຫົວບ້ານ ບ່ອນສານພຣະພູມ ແຕ່ວ່າໄປເຖິງສວຍແນ່ແລ້ວ ຂິ້ກະເດືອນໄຕ່ລືບໜັງສືຈົນໝົດແລ້ວ ຈຶ່ງເຫັນແຕ່ຮອຍຂີ້ກະເດືອນ ເມື່ອເຫັນເປັນເຊັ່ນນັ້ນ ກໍນຶກວ່າຮອຍຂີ້ກະເດືອນນັ້ນເປັນໜັງສື ກໍເອົາເອົາຮອຍຂີ້ກະເດືອນນັ້ນ ມາແປງເປັນອັກສອນ ຈົນຄົບ 44 ໂຕ, ແຕ່ຂຽນເປັນຮອຍຄ້າຍຮອຍຂີ້ກະເດືອນ ຄົນທັງຫຼາຍຈຶ່ງຮຽກວ່າ ອັກສອນກຼອມຫວັດ(ອັກສອນຂອມຫວັດ) ເມື່ອໄດ້ໄປແລ້ວພວກກຼອມກໍໄດ້ເອົາໄປຂຽນໄວ້ໜັງ ຄົນກຼອມ(ຂອມ ຫຼືຂະເມໝນ) ກໍຮຽກວ່າໜັງສືເຊັ່ນກັນ, ກ້ວຍເຫດນັ້ນ ອັນສອນ ຫຼືໜັງສືຂອມຈຶ່ງຕົວມົນໆເໝືອນກັນກັບຮອຍຂີ້ກະເດືອນ.
ສ່ວນພວກເຈັກ, ອາໄສຢູ່ຫົວບ້ານນັ້ນເອງ ຕື່ນຂຶ້ນມາແຕ່ເຊົ້າ ແຕ່ວ່າເຮັດວຽກ ເຮັດງານົຈນລືມ, ກວ່າຈະຮູ້ເມື່ອຄີງ ເຖິງນິມິດທີ່ພະຍາແຖນ ແລະພຣະພູມໄປບອກວ່າໃຫ້ມາເອົາໜັງສືໄປໃຊ້ ກໍຈົນກວ່າໄກ່ໂຕນຄອນແລ້ວ, ເມື່ອໄປຮອດເດີນໂພນຫົວບ້ານກໍເຫັນພຽງແຕ່ຮອຍຕີນໄກ່ ຈຶງນຶກໃນໃຈວ່າ ຄືຊິແມ່ນນີ້ແລ້ວເປັນອັກສອນທີ່ແຖນສັ່ງໃຫ້ມາເອົາ ຈຶ່ງກ່າຍເອົາຮອຍຕີນໄກ່ນັ້ນໄດ້ໄວ້ ທຳອີດໄດ້ກ່າຍ ໄວ້ໄມ້ຄານກ່ອນ, ແຕ່ຕໍ່ມາເນື່ອງຈາກວ່າບ້ານຂອງຊາວຈີນນັ້ນມີຕົ້ນໃຜ່ຫຼາຍ ຈຶ່ງຂຽນໜັງສືໜັງນັ້ນໄວ່ກະບັ້ງໄມ້ໄຜ່ ເຮົາຈຶ່ງເຫັນວ່າ ຕົວໜັງສືຈີນນອກຈາກເປັນຕົວຄືກັນຄືກັບຮອຍໄກ່ເຂັ່ຍແລ້ວ ຍັງຂຽນລົງໄປທາງລຸ່ມເໝືອນໄກ່ເຂັ່ຍ ແຕ່ເນື່ອງຈາກການຂຽນໄມ້ໃຜ່ຕ້ອງຂຽນຕາມລາວຍາວຂອງໄມ້ໃຜ່ນັ້ນເອງ.
ໂຜດຕິດຕາມຕອນຕໍ່ໄປ(ບົດພິເສດ ແລະບົດວິເຄາະນິທານເຣື່ອງນີ້)
ไม่มีความคิดเห็น:
แสดงความคิดเห็น